Bulshada ku dhaqan degmada Matabaan ee gobolka Hiiraan, ayaa cabasho xoog leh ka muujiyay isbaarooyin xad-dhaaf ah oo maamulka Riddada ah ee Hirshabeelle dhigtay gudaha magaaladaasi iyo duleedyadeeda.
Waxay tilmaameen in maamulkaasi uu dib u dhac u horseeday bulshada ku dhaqan degmadaasi, isbaarooyinka ayay sheegeen inay yaallaan xaafadaha magaalada oo la iskala soo tagay waddooyinka soo gala magaalada, halkaas oo ay sheegeen in dadka rayidka ah lagu baarto.
Shir ay yeesheen qaybaha kala duwan ee bulshada degmada Matabaan ayay walaac uga muujiyeen isbaarooyinka badan ee yaal magaaladaasi, waxay sidoo kale eedaymo xooggan u jeediyeen maamulka Riddada Hirshabeelle oo ay sheegeen in uu caqabad ku noqday dadka deegaanka.
Inta badan dadka ku dhaqan deegaannada ay murtadiintu maamulaan oo ay ugu horraysay magaalooyinka uu ka arrimiyo maamulka murtad Cali Guud-laawe ayay dadku ku wajahayaan dhibaatooyin kala duwan oo ay ka mid tahay isbaarooyinka, dilalka iyo dhaca loo gaysto dadka rayidka ah.
Dhowaan ayay ahayd markii bulshada ku dhaqan degmada Jowhar ee gobolka Sh/dhexe ay cabasho ka muujiyeen boob lagu sameeyay suuqa ugu wayn xoolaha ee degmadaasi, kaasi oo ay la wareegeen saraakiil iyo masuuliyiin ka tirsan maamulka Riddada Cali Guudlaawe, kuwaas oo ganacsatada ka raray suuqaasi, burburinna kula dhaqaaqay.
About The Author
