Sheekh Aadam Sunne Oo Xaqiijiyay Inuu Usoo Hijrooday Wilaayaatka Islaamiga.

Sheekh Aadan C/Raxmaan Warsame oo ku magacdheer Sh. Aadan Sunni oo dhawaan isaga soo haajiray deegaannada uu ka arrimiyo maamulka Somaliland ayaa soo gaaray wilaayaatka Islaamiga, halkaas oo uu kala kulmay soo dhaweyn aad u diiran oo uu ka helay qeybaha kala duwan ee bulshada.

Sheekh Aadan Sunni ayaa kulamo iyo martiqaadyo diirran loogu sameeyey magaalooyin dhowr ah oo ku yaalla koonfurta iyo bartamaha Soomaaliya halkaas oo uu kusoo maray kormeer uu ku indho indheynayey nolosha deegaanada lagu maamulo shareecada Islaamiga.

Intii uu ku gudajiray booqashadiisa wuxuu kulamo la qaatay qeybaha bulshada sida culimada, waxgaradka, odayaasha dhaqanka iyo mas’uuliyiinta maamulada Islaamiga ee wilaayaatka dalka.

Wuxuu Sheekh Aadan Sunni sheegay in sababta uu ugasoo haajiray Hargeisa ay tahay inuu xor u noqon waayey faafinta dacwada Islaamka, islamarkaana maamulka halkaas ka jira uu dhaqan ka dhigtay cadaadinta ducaadda iyo garab istaagga hay’adaha dadka gaaleysiiya ee dagaalka kula jira ducaadda Muslimiinta.

Wuxuu tibaaxay inuu wilaayaatka Islaamiga u yimid sidii uu u xoojin lahaa dacwada ka socoto deegaanada lagu maamulo shareecada Islaamka ee ay ka taliso Xarakada Shabaabul Mujaahidiin ugana qeyb qaadan lahaa halganka halkaas laga soo abaabulayo ee la doonayo in Soomaaliya looga yagleelo nidaam Islaami ah oo dadka ku maamulo shareecada Allaah.

Sheekh Aadan Sunni ayaa dhowr jeer lagu xiray xabsiyada magaalada Hargeysa ka hor inta uusan halkaas isaga soo cararin, wuxuuna sheegay in magaaladaas ay noqotay mid aan xaqqa lagu difaaci karin, qofkii xaqqa difaacayana uusan ku bad-baadi karin, sidaas darteedna ay dhalinyarada waqooyi iyo culimadoodu la gudboon tahay in ay usoo hayaamaan wilaayaatka Islaamiga oo hooyga u noqday dadka xorta ah ee ka dhiidhinaya cabiidsiga nidaamyada taabacsan reergalbeedka ee dagaalka ku haya dacwada Islaamiga.

About The Author

calamada

See author's posts