Inta la hubiyay ugu yaraan 2 qof oo rakaab ah ayaa ku dhimatay halka tiro intaas ka badanna ay ku dhaawacmeen ka dib markii ay shil ku galeen duleedka degmada Gabiley oo hoostagta gobolka waqooyi galbeed Soomaaliya.
Shilkan oo ahaa mid gaari ayaa maanta ka dhacay duleedka bari ee degmada Gabiley, kaas oo yimid ka dib markii uu rogmaday gaari nooca loo yaqaan Hoomayda.
Goobjoogeyaal ku sugnaa goobta ayaa warbaahinta u xaqiijiyay in shilkaas ay ku dhinteen ugu yaraan labo qof oo ka mid ahaa rakaabka gaariga halka ay ku dhaawacmeen 7 kale.
Lama sheegin sababta rasmiga ah ee keentay shilkan wallow uu qayb ka yahay shilalka gaadiid ee laga soo tabiyo deegaannada dhaca waqooyiga Soomaaliya.
About The Author
