Wararka ka imaanaya deegaanada loo yaqaano Somali Galbeed oo ka mid ah dhulka dowladda Xabashida Itoobiya xooga kaga heysato Somaliya waxey sheegayaan in halkaasi uu ka dhacay shil gaari oo gestay khasaara kala duwan.
Shilkan gaari ayaa yimid kadib markii gaari Bas ah uu jiiray Saddex Mooto oo ah noocyada Bajaajta oo ay dad la socdeen waxeyna taasi sababay khasaara xoogan.
Shilkan ayaa sigaar ah kaga dhacay deegaanka Mooyaale oo ka mid ah dhulka Somali Galbeed ee ku hoos jira gumeysiga Xabashida Itoobiya.
Inta la xaqiijiyay shilkan waxaa ku dhintay Labo ruux waxaana ku dhaawacmay Lix ruux kuwaasi oo isugu jira rag iyo haween, Waxaa dhaawacyada la dhigay goobaha caafimaadka ee deegaankaas.
Dhulka Soomaali Galbeed waxa uu ka mid ah meelaha ay ka dhacaan shilalka gawaari kuwa ugu khasaaraha badan waxaana taas sabab looga dhigayaa in aysan halkaasi ka jirin nidaam kala haga gaadiidka maadaama dhulkaasi uu ku hoos jira gumeysiga dowladda Xabashida Itoobiya.
Calamada.com
About The Author
