Wararka ka imaanaya dalka Maraykanka ayaa sheegaya in shil gaari oo khasaare adaga dhaliyay uu ka dhacay wadankaas, kaas oo ay ku dhinteen tobaneeyo ruux.
Gaari nooca raaxada ah oo siday dad farabadan oo ka qeybgalayay xaflad aroos ayaa ku dhacay gaari kale oo xamuul ah oo yaalay wado dhexmarta magaalada Shohari ee wuqooyiga magaalada Newyork.
Afhayeen u hadlay laamaha qaabilsan arimaha gaadiidka ayaa shaaca ka qaaday in ugu yaraan 20 ruux ay ku dhinteen shilkan, isagoona shilka dhacay ku tilmaamay kii ugu xumaa ee ka dhaca Newyork tan iyo sanadkii 2005-ta.
Police-ka dalka Maraykanka ayaa diiday iney ka hadlaan shilka dhacay, waxayna sheegeen iney soo saari doonaan bayaan rasmi ah oo ay uga hadli doonaan waxa dhacay.
Baarayaal iyo saraakiil katirsan dowladda Maraykanka ayaa soo gaaray goobta uu shilka ka dhacay, kuwaas oo billaabay iney baaraan sababaha dhaliyay shilka.
Inkastoo Maraykanku ku faano inuu yahay dal hormarsan, hadana waxaa marar badan ka dhaca shilalka noocan oo kale, kuwaas oo loo sababeeyo darawada gaadiidka kaxeeya oo isticmaala daroogooyinka wax u dhima miyirka qofka banii aadamka ah.
About The Author
