Gen David Muhoozi oo ah madaxa guud ee ciidamada Yugaandha ayaa shaaca ka qaaday in ciidamadooda jooga Soomaaliya aysan awood u lahayn la dagaallanka Ciidamada Xarakada Mujaahidiinta Al-Shabaab.
Muhoozi ayaa sheegay in ciidamadooda xitaa aysan awood u haynin iney difaacaan saldhigyada ay ciidamadooda ka joogaan Koonfurta Soomaaliya, kuwaas oo marba marka ka dambeysa la kulmaya weeraro abaabulan oo ay soo qaadayaan ciidamada Mujaahidiinta.
Dowladda Yugaandha ayaa ka sheeganeysa qarash la’aan baahsan oo soo wajahday ciidamadeeda jooga Soomaaliya, halka uu kusii kordhey weerarada uga imaanaya dagaalyahannada Mujaahidiinta Al-Shabaab.
Gen David Muhoozi oo ah madaxa guud ee ciidamada Yugaandha ayaa intaa ku daray iney soo banneeyeen xerooyin milliteri oo ay horay ugu sugnaayeen, islamarkaana awoodooda ay uruuriyeen si ay ugu suuragasho iney iska difaacaan marka ay soo weeraraan Ciidamada Xarakada Mujaahidiinta Al-Shabaab.
Hadalka Generalka guud ee Ciidamada Yugaandha ayaa imaanaya, iyadoo dhawaan Inqimaasiyiin katirsan Xarakada Mujaahidiinta Al-Shabaab ay weerar qorsheysan ku qaadeen saldhig ciidamada AMISOM gaar ahaan kuwa Yugaandha ku leeyihiin magaalada Buula-Mareer ee gobolka Shabeellaha hoose, halkaas oo lagu dilay inkabadan 60 askari oo katirsan Shisheeyaha.
About The Author
