Cudwaanka maamulka gumeystaha Yahuuddu ka wado marinka Gaza, ayaa maanta waxay u ahayd maalintiisii 388, 48-kii saacadood ee lasoo dhaafay ayay halkaas ka gaysteen xasuuqyo ka dhan ah dadka muslimiinta.
Maamulka caafimaadka ee marinka Gaza ayaa soo saaray warbixintiisa maalinlaha ah, waxaana warbixinta lagu soo bandhigay tirakoobka shuhadada iyo sidoo kale dad rayidka ah ee ku dhaawacmay duqaymaha gumetstaha.
Waaxda caafimaadku waxay sheegtay in Yahuuddu saacadihii lasoo dhaafay Gaza ka gaysteen ilaa shan xasuuq, kuwaas oo ay kula kaceen qoysaska ku sugan Gaza, waxayna xaqiijisay dhimashada 96 xubnood, halka ay dhaawacyo soo gaareen ilaa 277 kale.
Waxay intaas ku dartay inay jiraan dad badan oo shahiiday, kuwaas oo ku hoos jira burburka dhismeyaasha ay dhulka dhigeen ciidanka Yahuudda, taas oo keentay in kooxaha gargaarka ay ku adkaato in halkaasi ay gaaraan.
Dhinaca kale waxay waaxdu sheegtay in tirada shuhadada Falastiiniyiinta Gaza ay kor u dhaaftay 43,020 qof, halka dhaawacyada ay gaarayaan 101,110, kuwaas oo la diiwaan geliyay tan iyo 7-dii Oktoobar.
About The Author
