Madaxa kooxda Riddada Soomaaliya murtad Xassan Gurguurte iyo wafdi uu hoggaaminayo ayaa maanta ka degay garoonka diyaaradaha ee magaalada Kismaayo ee gobolka Jubbada hoose, kadib dhex-dhexaadin ay sameeyeen sirdoonnada dowladaha saliibiyiinta Kenya iyo Itoobiya.
Xafiiska madaxtooyada Gurguurte ayaa shaaciyay in uu madaxa kooxdaasi Riddada ah tagay magaalada Kismaayo, wuxuu xafiiskan ka gaabsaday in uu sheego cidda uu halkaas u tagay, halka xafiiska Axmed Madoobe na uu iska ilaaliyay erayga madaxweyne, isaga oo sheegay in uu magaalada kismaayo kusoo dhaweeyay Xassan Gurguurte iyo wafdiga uu hoggaaminayo.
Qoraallada labada dhinac ayaa muujinaya in dhinacyada oo weli is diidan la isku keenay, wafdiga Xassan Gurguurte waxaa la socday xubno kala duwan oo uu ka mid yahay murtad Sanbaloolshe taliyihii hore ee sirdoonka Riddada ahna nin Jaajuus u ah xabashida Itoobiya.
Kulansiinta labada dhinac iyo dhexdhexaadinta waxaa leh taliyeyaasha ugu sarreeya sirdoonada Kenya iyo Itoobiya, Nuuraddiin Xaaji oo ah taliyaha ugu sarreeya saliibiyiinta Kenya iyo Ridwaan Xuseen, oo isagana ah taliyaha ugu sarreeya hay’adda siridoonka saliibiyiinta dowlada Itoobiya ayaa si wayn uga soo shaqeeyay in la kulansiiyo labada dhinac, sida lasoo warinayana hadda ku sugan magaalada Kismaayo.
Lama oga waxa kasoo bixi doono kulanka u dhaxeeya murtadiinta kala ah Axmed Madoobe iyo Xassan Gurguurte oo muddo hal sano ku dhow ay ka dhex taagnayd xiisad siyaasadeed oo gacan ka hadal gaartay, sababtay na dhimasho iyo dhaawac badan oo soo kala gaaray saraakiisha iyo ciidamada labada maamul ee Muqdisho iyo Kismaayo.
Waxay sidoo kale tan kusoo beegmaysaa xilli maalmo ka hor uu Madoobe ka mid ahaa siyaasiyiin ku kulmay magaalada Nairobi ee caasimada u ah Kenya, halkaas na kaga dhawaaqay gole ballaaran oo ka dhan ah Xassan Gurguurte, kaasi oo ay ku midoobeen maamullada Jubbaland, Puntland iyo golaha madasha mucaaradka ee Samatabixinta isugu yeeray.
About The Author
