Xilli uu cirka isku sii shareerayo khilaafka ka dhex aloosan madaxda kooxda Riddada Soomaaliya iyo siyaasiyiinta mucaaradka ah, ayay xubno horay xilal uga soo qabtay kooxdaasi kasoo degeen garoonka diyaaradaha ee magaalada Muqdisho.
Murtadiinta kala ah Xasan Cali Khayre iyo Cumar Cabirashiid oo soo qabtay xilalka ra’iisul wasaare ee kooxda Riddada ayaa gelinkii dambe ee maanta kasoo degay garoonka caalamiga ah ee Muqdisho, halkaas oo ay kusoo dhaweeyeen xildhibaanno, siyaasiyiin iyo xubno kale oo mucaaradsan siyaasadda kooxda Xassan Gurguurte.
Xubnahan kasoo degay Muqdisho ayaa lasoo wariyay inay horudhac u yihiin siyaasiyiin mucaarad ah oo kusoo qulqulaya caasimadda, halkaas oo sida la sheegayo mucaaradku ku qabsan doonaan shir ka dhan ah madaxda kooxda Riddada Soomaaliya.
Imaatinka Xassan Cali Khayre iyo Cumar Cabdirashiid, ayaa dhanka kale kusoo beegmaya xilli maalmihii lasoo dhaafay dhaqdhaqaaqyada mucaaradka si wayn looga dareemayay magaalada Nairobi ee dalka Kenya, halkaas oo ay isugu tageen masuuliyiin hore xilal uga soo qabtay xukuumadda Riddada, xildhibaanno ka tirsan baarlamaanka Riddada, siyaasiyiin iyo qaar ka mid ah madaxda maamul goboleedyada ee kasoo horjeeda Xassan Sheekh.
About The Author
