Warsaxaafadeed kasoo baxay wasaaradda arrimaha debadda ee dowladda dabadhilifka Suudaan ayaa eedayn culus loogu jeediyay dowladda saliibiyadda ah ee Kenya, taasi oo ku aaddan inay taageero siinayso maleeshiyaadka RSF ee xasuuqa ka gaysanaya waddankaasi.
Xukuumadda Sudan oo tixraacayso bayaan hora uga soo baxay Kenya, ayaa sheegtay in xukuumadda uu fadhigeedu yahay Nairobi ay faragelin toos ah ku hayso arrimaha gudaha dhulkeeda, islamarkaana dafirtay dowladnimada xukuumadda uu hoggaamiyo Cabdilfataax Al-burhaan oo ay ku tilmaantay maamulka ciidamada Suudaan sida lagu sheegay warka kasoo baxay Sudan.
Ujeedka bayaanka Kenya ayay Suudaan ku sheegtay shaki gelinta dowladda uu hoggaamiyo Al-burhaan, taasi caksigeed na ay xayaysiis u sameynayso dowlad kale oo ay ula jeedo maleeshiyada uu hogaamiyo Maxamed Xamdaan Doglo.
Dowladda Kenya ayaa horay magaalada Nairobi ugu martigelisay hoggaanka sare ee maleeshiyada Dacmu-sariic ee dagaalka kula jira ciidamada dowladda Suudaan, waxaana halkaas lagu kala qaatay dhismaha dowlad dhinac socota tan millatariga.
About The Author
