Sida lagu sheegay bayaan kasoo baxay xisbiga talada haya ee dalka Sweden ayaa eedeyn Musuq u jeediyey xukuumadda dalkaasi iyo Wasiirka Socdaalka ee dalka Sweden.
Xisbiga talada haya ayaa dacwad ka dhan ah Wasiirka Socdaalka u gudbiyey guddiga dastuuriga ah ee baarlamaanka dalkaasi si ay u qaadaan dacwadaan musuq.
Sida ay daabaceyn warbaahinta dalkaasi, horaantii sanadkaan dowladda Sweden ayaa lacag gaaraysa Nus-milyan doollarka Mareykanka waxay sii say kooxda Riddada Soomaaliya gaar ahaan xaafiiska R/Wasaaraha Riddada Xasmse Cabdi Barre, iyadoona lacagtaasi la gudoonsiiyey seddex sarkaal oo ka socday xaafiiska Xamse Cabdi Barre..
Lacagtaan ayey dowladda Sweden ku doonaysaa inay u adeegsato soo celinta Soomaalida aan sharciga lahayn ee ku sugan dalkaasi taasoo ay ka saxiixatay kooxda ridada soo celintooda, si loo geeyo Soomaaliya, taasoo ay aqbashay kooxda ridada Soomaaliya.
Arrimahaan waxaaa banaanka soo dhigay warbaahinta Sweden kuwaasi oo sheegay in heshiis qarsoodi ah oo musuq ah ay dowladdooda la gashay kooxda Riddada Soomaaliya.
Heshiiskaan oo ay doonaysay dowladda Sweden inuu noqdo mid qarsoodi ah ayaa banaanka lasoo dhigay, waxayna fadeexo weyn ku noqogay xukuumadda hadda talada heysa ee dalkaasi, iyadoona mucaaradka dalkaasi ay arrintaasi si weyn uga soo horjeesteen.
About The Author
