Taliska ciidamada Maraykanka ee qaaradda Africa ee loo yaqaan Africom, ayaa markii ugu horraysay si rasmi ah uga hadlay weerarkii cirka ee uu ku dilay dhakhaatiirta u dhashay waddanka Cuba, kuwaas oo ahaa maxaabiis ay gacanta ku hayeen mujaahidiinta Al-shabaab.
Afhayeenka ciidamada Maraykanka ee qaaradda Africa, Lennea Montandon, ayaa warqad dhanka email-ka ah oo ay u dirtay warbaahinta Maraykanka ku xaqiijiisay in 15-kii February ay duqayn dhanka cirka ah ka fuliyeen magaalada Jilib ee wilaayada Jubooyinka, taas oo ay ku beegsadeen, kuna dileen maxaabiis u dhashay dalka Cuba, Africom ayaa intaas ku dartay in uu si rasmi ah u qaadanayso masuuliyadda duqaynta iyo dhimashada.
Africom, waxay dhanka kale sheegtay inay wadaan qiimayta howlgalka ay ka fuliyeen degmada Jilib, xogta oo faah-faahsana ay dib kasoo gudbin doonaan, waxayna tani kusoo beegmaysaa xilli 4 cisho ka hor duqayn dhanka cirka ah oo uu Maraykanku ka fuliyay degmada Jilib uu ku dilay, Assel Herrera iyo Landy Rodriguez oo ahaa laba xubnood oo dhakhaatiir ah oo u dhashay dalka Cuba, maxaabiis ahaana gacanta ugu jiray mujaahidiinta, sida uu warsaxaafadeed uu soo saaray ku xaqiijiyay maktabka warfaafinta ee mujaahidiinta Al-shabaab.
Dowladda Cuba ayaa dhankeeda ka hadashay weerarkan, madaxweynaheeda iyo wazaaradda arrimaha debadda ayaa siyaabo kala duwan uga hadlay, waxayna sheegeen inay maqleen warkaas, ayna xiriiro kala duwan la sameeynayaan Kenya oo ah tan dalkeeda ay mujaahidiintu kasoo qabteen maxaabiistaasi.
About The Author
