Taliska ciidamada mujaahidiinta Al-shabaab ayaa warsaxaafadeed kasoo saaray howlgalkii qaraxa ahaa ee ay maanta ciidamada mujaahidiintu ka fuliyeen magaalada Muqdisho, kaasi oo lagu dhaawacay mujrim Generaal murtad ah oo ay inbadan mujaahidiintu ku raad-joogeen.
Taliska ciidanka ayaa sheegay in murtadkan oo lagu magacaabo Maxamed Sheekh Cumar (Xirsiile) howlgalka lagula beegsaday degmada Wardhiigley ee magaalada Muqdisho, in muddo ahna ay ku raadjoogeen mujaahidiinta, isagoo ku lug lahaa jaraaiimooyin iyo dilal uu ka gaystay gudaha xabsiga dhexe ee Muqdisho.
Nuqul ka mid ah warsaxaafadeedka taliska ciidanka mujaahidiinta waxaa lagu yiri” Sargaalkaan murtadka ah oo ay in mudda ah Mujaahidiintu ku raadjoogeen ayaa ku lug lahaa jaraa’im fara badan oo uu u geystay dad Muslimiin ah oo ku xirnaa xabsiga dhexe ee ay ridadu ku leedahay Muqdisho, waxaana dhibaatooyinka uu murtadkaasi geystay ka dhashay geerida maxaabiis iskugu jira rag iyo dumar, halka qaar kalena ay ku naafoobeen. Dadka Muslimiinta ah ee uu dhintay jirdilka uu u geystay murtadkaas waxaa kamid ahaa Xassan Kaafi Rooraaye iyo Asad Cumar oo loo yaqaanay “Sambuus”.
Sidoo kale waxaa dadka u dhintay dhibaatadii uu u geystay kamid ahayd hooyo Muslimad ah oo lagu magacaabi jiray Deeqa Diraac, taas oo xanuun dartiis ugu dhimatay gudaha xabsiga dhexe kadib markii uu sargaalkan murtadka ah u diiday in ay eheladeedu daawaystaan hooyadaas sida xaq darada ah ay murtadiintu u afduubteen.
Hawlgalka ay mujaahidiintu la beegsadeen Generaalkaan murtadka ah waxaa uu cadaalad u yahay boqolaalka Muslimiinta ah ee uu ku dhibaateeyay xabsiga dhexe, waxaana uu muujinayaa in saraakiisha ridada iyo mujrimiinta ashahaado la dirirka ah aysan marnaba ka baxasan karin ciqaabta Allaah, isla markaana gacanta dheer ee Mujaahidiintu ay soo qaban doonto – Insha-Allaah – ama ha dhawaato ama ha dheeraato”. ayaa lagu yiri bayaanka.
Halkan Ka Degsi Bayaanka Oo Dhamaystiran Oo PDF Ah.
Ama Hoos Ka Akhriso Isagoo Dhamaystiran.
About The Author
