General Sam Okiding oo ah taliye ku xigeenka ciidamada dowladda saliibiyadda ah ee Uganda ayaa farriin digniin ah u diray ciidanka ka socda dowladdiisa ee qeybta ka ah isbihaysiga kuffaarta Afrikaanta ee (AUSSOM) xilli ay muddo labo sano kasoo wareegtay weerarkii taariikhiga ahaa ee Buula-mareer.
Sarkaalkan oo booqasho toddobaad qaadatay ku yimid Soomaaliya ayaa kormeer ku tagay saldhigyada ciidankiisa ay kaga suganyihiin magaalada Muqdisho iyo gobolka Sh/hoose.
Okiding ayaa ciidankiisa ugu baaqay in looga baahanyahay inay mujiyaan feejignaan ayna duruus ka qaataan casharadii ay horay usoo barteen isaga oo yiri ” waa inaad feejignaantaan mar walba, waxaad u baahan tahay inaad mar walba qaadato go’aanno waqti ku habboon, waxaan ku boorinayaa taliyeyaasha inay ku dhaqmaan casharrada howlgalladii hore si loo qaato go’aamada saxda ah iyo waqtiga saxda ah’.
Sidookale taliye ku xigeenka ciidamada dowladda Yugaandha ayaa uga digay saraakiishiisa in ay musuqmaasuqaan mushaaraatka loogu talagalay ciidamada saliibiyiinta ee dullaanka ku jooga Soomaaliya sidaba ay horay u sameeyeen taliyaal ciidan oo ka tirsan UPDF isaga oo yiri “Waxaan ka digayaa musuqmaasuqa iyo ku takrifalka agabka howlgalka, askartu waa inay helaan xuquuqdooda”.
Hadalkan ayaa kusoo beegmaya iyadoo dowladda Uganda ay xusayso labo sanno guuradii kasoo wareegatay xasuuqii ciidamadeeda loogu geestay magaalada Buula-mareer ee wilaayada Sh-hoose 26-kii may 2023-kii.
About The Author
