Waxaa si weyn isu soo taraaya walaaca iyo qaylo-dhaanta kasoo yeeraysa Kuffaarta caalamka iyo murtadiinta ee ku aaddan fashilka dul hoganaya kooxda Villa Soomaaliya iyo horumarka ay ku tallaabsanayaan ciidanka mujaahidiinta ee bariga Afrika.
Cabdisalaan Guuleed oo soo noqday taliye ku xigeenka sirdoonka kooxda Riddada, isla markaana horey u shaaciyey guul-darrada ku habsatay kooxda Villa Somaliya, ayaa mar kale ku celiyey in Xassan Gurguurte iyo maamulkiisu ay gebi ahaanba fashilmeen.
Murtadkan ayaa ka dhawaajiyey in waxa loogu yeero beesha caalamka oo ay ka mid yihiin Maraykanka, Ingiriiska iyo urur-gaalleedka Qaramada Midoobay, ay si adag ula hadleen Gurguurte una sheegeen in safaaradahoodu ay khatar ku jiraan, isla markaana dalka Soomaaliya uu qarka u saaran yahay in gebi ahaanba ay la wareegaan mujaahidiinta Al-Shabaab.
Miciyo-weynta Kuffaarta caalamka oo si weyn uga walaacsan taqaddumka baaxadda leh ee mujaahidiinta, ayaa Gurguurte ugu baaqay in uu kulmiyo dhammaan saamilayda siyaasadda riddada Soomaaliya, balse shirkaasi ayaa isna dhicisoobay kadib markii mucaaradku ay qaadaceen.
Murtadkan ayaa sidoo kale tilmaamay in mujaahidiintu ay la wareegeen dhul aad u fara badan kaabigana ku hayaan caasimadda Somaaliya ee Muqdisho, halka murtadiintana uu sheegay in haatan xaalkoodo gebogebo kusii dhow yahay kuna sii harsan yihiin oo kaliya meelo aad u kooban.
Murtad C/Salaan Guuleed ayaa sidoo kale sheegay in beesha uu kasoo jeedo Xasan Gurguurte ay dhammaantood barbar istaageen mujaahidiinta, isla markaana ay si cad uga hor yimaaddeen gaalnimadii iyo dimuqraadiyaddii uu waday Gurguurte. Isagoo murtadkani dhinaca kalena saadaaliyey waxa uu ku dambayn doono masiirka Gurguurte.
Qaylo-dhaanta murtadkan kasoo yeeraysa ayaa imanaysa xilli Kuffaarta caalamku ay dhabarka u jeediyeen taageeradii ay siin jireen ciidamada calooshood u shaqaystayaasha midowga Afrika ee duullaanka ku jooga Soomaaliya isla markaana Maraykanku uu si cad u diidday in kharash dambe uu ku bixiyo hawl-galka cusub ee isbahaysiga AUSSOM.
About The Author
