Waxaa aad usii kordhay khasaaraha dhimasho iyo dhaawac ee ka dhashay jariimada dagaal ee uu maamulka gumeystuhu ka gaysanayo marinka Gaza.
Wasaaradda caafimaadka ee Gaza ayaa ku dhawaaqday khamiista maamta ah in tirada dadka abriyada ee shuhadada ah ay ku dhowdahay 11,000 oo qof, sidoo kale waxay sheegtay in Cisbitaallo iyo xarumo kale oo caafimaad ay gabi ahaanba shaqadii joojiyeen.
Ashraf Al-Qudra oo ah afhayeenka wazaaradda caafimaadka ee Gaza ayaa shir jaraa’id oo uu ku qabtay xarunta caafimaadka ee Al-Shifa ee magaalada Gaza ku sheegay in tirada shuhadada ay kor u dhaaftay 10,812, waxaa shuhadadaasi ku jira 4,412 oo carruur ah, 2,918 haween ah, iyo 667 oo waayeel ah.
Afhayeenka ayaa sidoo kale sheegay in cadadka dadka dhaawacyada qaba ay gaareen 27,000 oo qof, kuwaas oo u badan caruur, haween iyo waayeel, dadka la layahay ayuu ku sheegay 2,650, waxaana ku jira 1,400 oo carruur ah oo weli ku hoos jira burburka.
About The Author
