Wararaka ka imaanaya dhulka barakaysan ee Falastiin ayaa sheegaya in weerar toogasho oo culus lagu beegsaday dad Yahuud ah oo ku sugnaa bartamaha magaalada Tal’abiib, ee ka mid ah magaalooyinka ixtilaalka ay ku haystaan Yahuudda sahyuuniyadda.
Weerarkan oo uu fuliyay Kaamil Abuubakar oo ah Falastiini kasoo jeeda tuulada Ramanah oo dhanka galbeed kaga beegan magaalada Jiniin ayaa lagu beegsaday dad Yahuud ah oo ku sugnaa bartamaha Tal’abiib, waxaana inta la xaqiijiyay weerarkan toogasho ku dhaawacmay 3 xubnood oo Yahuud ah, kuwaas oo mid ka mid ahi ay xaaladdiisu tahay mid halis ah, sida uu xaqiijiyay qanaadka 14-aad ee Yahuudda.
Booliska maamulka gumeystaha ayaa sheegay inay toogteen weeraryahanka Falastiiniga ah, kaas oo ay sheegeen in ay ku daba jireen dhowr bilood si ay u dilaan, balse ugu dambayn uu cagahiisa ugu yimid toogasho argagax dhalisay na uu ka gaystay bartamaha Tal’abiib.
Sawirro iyo muuqaallo lagu baahiyay mareegaha internet-ka ayaa muujinayay isku dhexyaac iyo kala carar ku dhacay dadkii Yahuudda ee ku sugnaa bartamaha Tal’abiib, maleeshiyaad fara badan oo Yahuud ah ayaa lagu soo daadiyay waddooyinka si ula tacaalaan xaaladda.
Hoos Ka Daawo Sawirrada.
About The Author
