Jabhadda Tigreega ee TPLF oo inka badan 2 sano dagaal adag kula jirtay dowladda xabashida, ayaa markan u muuqato inay is dhiibtay, ka dib markii ay si buuxda u wareejisay hubka culus ee ay kula dagaallamayeen ciidamada axmaarada.
Xaflad ka dhacday meel dhowr iyo 30Km u jirta magaalada Maqalle ee xarunta Tigray, ayay TPLF ku wareejisay hubka culus, taas oo jabhaddan ka dhigaysa mid soo xirtay wajigii dagaal ee ay kula jirtay xabashida, iskuna dhiibtay xukuumadda uu hoggaanka u hayo Abiy Axmed.
Hub wareejinta ay sameeyeen ciidamada Tigray-ga ayaa daba socda heshiis labo bil ka hor lagu kala saxiixday magaalada Nairobi, kaas oo ay garwadeen ka ahaayeen waxa loogu yeerp beesha caalamka, isla markaana ay usoo wakiisheen wakiiladooda Africa ee la magac baxay migowga Africa.
Heshiiskaas ayaa dhigayay in hub ka dhigis dhamaystiran lagu sameeyo dhammaan ciidamada hubeysan ee TPLF, si loo soo afjaro colaadda, ciidamada Tigray-ga ayaana markan si rasmi ah u wareejiyay hubkii culsaa ee ay kula dagaallami jireen xukuumadda Abiye.
Xafladda wareejinta hubka waxaa goob-joog ahaa masuuliyiin iyo madax ka kala socotay dowladda Itoobya iyo waxa loogu yeero midowga Africa, iyagoo indha indhaynayay qaabka ay u dhacayso hub wareejinta.
About The Author
