Dalka Ugaanda ayaa safka hore ka galay liiska wadamada uu Ruushku ka qoranayo calooshood u shaqaystayaal uu u adeegsado dagaalka Yukrayn, arintan ayaa banaanka usoo baxday kadib markii la ogaaday in boqollaal dhalinyaro Afrikaan ah – gaar ahaan haweenka loo diro warshadaha farsameeya diyaaradaha aan duuliyaha lahayn ee Alabuga oo ku yaalla gudaha Ruushka.
Warbixino laga diyaariyay arimahaas ayaa muujinaya in dhalinyaradan, oo loo ballan-qaaday mushahar iyo tababaro xirfadeed ay halkaas ku wajahayaan xaalado adag, shaqo qasab ah iyo cabsi joogto ah oo la xiriirta ilaalin iyo dib-ugu noqoshada dalkooda.
Fadeexadan ayaa soo shaac baxday, kadib markii sagaal nin lagu qabtay garoonka Entebbe ee dalka Uganda, iyaga oo loo diyaarinayay in loo duuliyo Ruushka, taas oo dhalisay hadal hayn xooggan oo fadeexad ku noqotay xukumada Saiibiyada ee ka dhisan Kambaala oo lagu eedaynayo inay iyadu ka dambayso qorista calooshood u shaqaystayaashan.
siyaasiyiin Ugandees ah ayaa qiray in Ruushku uu si gaar ah uga codsaday in la siiyo haween halkii laga siin lahaa rag, iyaga oo ku sababeeyay in raggu ay khatar u yihiin inay kahor yimaadaan hawlaha shaqo ee loo dirayo.
Xogaha ayaa sidoo kale muujinaya in saraakiil Ugandees ah ay horay u booqdeen saldhiga Alabuga ee Ruushka, xilli ay jireen weerarro ay fulinayeen diyaaradaha aan duuliyaha lahayn ee Yukrayn, taas oo sii kordhisay cadaymaha dhabta ah ee ah in mashruucan ay ka dambayso dawladda Ugandha.
About The Author
