Khasaare lixaad leh ayaa ciidamada kuffaarta Yugaandha lagu gaarsiiyay dagaalladii ugu dambeeyay ee ka dhacay deegaanno hoos yimaad degmada Afgooye ee wilaayada Sh/hoose.
Saraakiil ka tirsan dowladda kaafridda Uganda oo diiday in magacooda warbaahinta loo adeegsado ayaa sheegay in qaraxyo iyo weeraro culus oo isbuucii lasoo dhaafay ka dhacay duleedka deegaanka Bariire looga dilay askar iyo saraakiil ciidan.
Mas’uuliyiin katirsan ciidanka saliibiyiinta Uganda ee UPDF ee duullaanka ku jooga Soomaaliya ayaa lagasoo xigtay in weeraro isbuucii lasoo dhaafay dhacay looga dilay 17 askari, askarta halaagsantay 6 kamid ah ayaa ku dhintay qarax miino oo lagula beegsaday meel ku dhow deegaanka Bariire.
195 isugu jirta saraakiil iyo askar ka tirsan ciidamada kuffaarta Yugaandha ayaa dhimasho iyo dhaawac ku noqday dagaallo toos ah iyo camaliyaad Istish-haadi ah oo lagula beegsaday duleedka degmada Afgooye ee wilaayada Sh/hoose, halka howlgalladaas saliibiyiinta Yugaandha looga gubay inka badan 14 gaadiid ah oo isugu jira kuwa gaashaaman iyo kuwa ciidanka lagu daabulo.
Qirashadaka timid saraakiisha ciidanka saliibiyiinta Uganda ee UPDF ayaa ah mid ay xaqiiqda uga qarinayaan qoysaska ay kasoo jeedaan askarta iyo saraakiisha ku halaagsantay howlgallada millatari ee mujaahidiintu ka wadaan duleedka Afgooye ee Sh/hoose.
About The Author
