Xogo dheeraad ah ayaa kasoo baxaya duqeyn maalinkii shaley maamulka gumeystaha Yahuudda ay ka geysteen magaalada Bayruut ee dalka Lubnaan, taasi oo ay sheegeen in ay ku dileen hogaamiye ka tirsan ururka Shiiciga ah ee isku magacaabay Xisbullaah.
Ururuka ayaa xaqiijiyay geeridda Abuu Cali oo ahaa hogaamiye ka tirsan kooxdooda goor danbe ee xaley, kaddib duqeyn dhanka cirka ah oo maamulka Sahaayinada Yahuudda ay ka fuliyeen guri ku yaalla magaalada Bayruut, waxaana xusid mudan in mas’uulka la beegsaday uu marar badan ka badbaaday isku dayo dil oo nafta lagu dhaafin rabay.
Marka laga soo tago dhimashada Abuu Cali iyo xubnaha kale ee ururka, waxaa dhanka kale isa soo taraya khasaaraha ka dhashay dueynta, waxaana haatan tiradda dhimashadu mareysaa ugu yaraan 5 ruux iyo dhaawaca in ka badan 25 qof.
Dhinaca kale, baqdin xooggan ayaa soo food-saartey maamulka Sahaayinada kaddib dilka Abuu Cali, iyagoo ka cabsi qaba suura tagalnimada jawaab celin ka timaada ururka Xisbullaah isugu yeerra.
Kayaanka Yahuudda ayaa sanadkii lasoo dhaafay ee 2024-ka, sidan oo kale magaalada Bayruut duqeyn diyaaradeed ugu diley hogaamiyihii ugu sarreeyay ururka, Xasan Nasrullaah, waxayna Sahaayinadu u muuqdaan kuwa ka hortagaya dhismaha kooxda ay Iiraan dacmiso, iyaga oo kol hore sheegey in hubka laga dhigo oo ay noqdaan kuwa sacbooley ah.
About The Author
