Xaalad deganaan ah ayaa maanta laga dareemaya magaalada Laas-caanood ee xarunta gobolka Sool, ka dib markii xalay magaaladan dagaal looga saaray maleeshiyaadka maamulka ashahaada la dirirka ah ee Somaliland.
Waxaa dib usoo laabtay ganacsigii magaalada oo xirnaa maalmihii u dambeeyay ee ay dibadbaxyadu ka socdeen magaalada, waxaa sidoo kale soo noqday isku socdoka dadka iyo midka gaadiidka.
Boqollaal ka mid ah bulshada Laas-caanood ayaa barqadii maanta isugu soo baxay bartamaha magaalada, iyagoo halkaas ku qabtay bannaanbax ballaaran oo ay ku taageereyaan dagaalkii magaalada Laas-caanood looga saaray maleeshiyaadka uu madaxa u yahay Muuse Biiixi.
Ciidamadii xalay magaalada kula dagaallamay maleeshiyaadka ashahaada la dirirka ah ee Soomaaliland, haddana gacanta ku haya maaamulka degmda oo warbaahinta kula hadlay bartamaha Laas-canod, ayaa sheegay inay hubka u qaateen si ay isaga dulqaadaan maamulkan, iyagoo intaa ku daray inay heegan u yihiin inay sii wadaan kacdoonka ka billowday Laas-caabood.
Xalay ayay ahayd markii magaalada Laas-caanood ay marti galisay dagaallo xooggan oo u dhaxeeyay maleeshiyaad hubeysan oo degaanka ah iyo maleeshiyaadka Riddada Somaliland, ka dib markii ay weerar qaadeen maleeshiyaadka deegaanka, taas oo keentay inay magaalada ka baxaan maleeshiyaadka maamulka Hargaysa.
Maleeshiyaadkii ka firxaday magaaladan xarunta u ah gobolka Sool ayaa sida lasoo wariyay gaaray deegaanka Gooja Cadde oo qiyaas ahaan 4Km dhanka waqooyi bari kaga beegan magaalada Laas-caanood, halkaas oo ay saldhig ciidan ku leeyihiin.
About The Author
