Ciidamo aad u hubeysan oo katirsan Xarakada SHM ayaa weerar ballaaran ku qaaday deegaan hoos yimaad gobolka Lamu ee gudaha wadanka Kenya.
Wararka ka imaanaya Lamu ayaa xaqiijinaya in dagaallo culus ay ka socdaan deegaanka Pandanguo oo saldhigyo melleteri ay ku leeyihiin ciidamada Booliska dowladda dabadhilifka Kenya.
Warar hordhac ah waxay xaqiijinayaan in ciidamada Mujaahidiintu ay si buuxda ula wareegeen gacan ku heynta deegaanka Pandanguo iyo dhammaan saldhigyadii ciidanka booliska iyo xarumaha maamulka sida lagu sheegay war rasmi ah oo kasoo baxay taliska ciidamada Xarakada Al Shabaab.
“Ciidamada Mujaahidiinta ayaa howlgal adag ka wada gobolka Lamu ee gudaha Kenya, muslimiinta waxaan ugu bishaareynaynaa in lala wareegay deegaanka Pandanguo iyo saldhigyadii ay ku sugnaayeen ciidamada saliibiyiinta Kenya sidoo kale waxaa jira gaadiid ay mujaahidiintu soo ghamiineysteen” ayaa lagu yiri war kasoo baxay Xarakada Al Shabaab.
Dhinaca kale saraakiisha Booliska Kenya waxay xaqiijiyeen in weerar xooggan uu ka dhacay gobolka Lamu balse waxay ka gaabsadeen in ay faah faahin dheeri ah ka bixiyaan khasaaraha dhankooda kasoo gaaray.
Wixii Soo Kordha Dib Ayaan Kasoo Sheegi Doonaa Insha’allaah.
About The Author
