Stars and Stripes oo ah warbaahin si rasmiya u hoos-tagta Wasaaradda Difaaca Maraykanka ayaa sheegtay in hawl-galkii mujaahidiinta Al-Shabaab ay 2019-kii ku beegsadeen saldhigga maraykanka ee Balli-doogle uu ahaa weerarkii ugu weynaa ee ciidamada Maraykanka ee ku sugan Somaliya ay la kulmaan intii u dhaxaysay 1993-kii ilaa 2019.
Garoonka diyaaradaha Balli-doogle iyo ciidamada Mareykanka ee halkaas ku sugnaa ayay warbixintu xustay inay ahaayeen bar-tilmaameedka hawl-galka mujaahidiinta, waxaanay saraakiil ka tirsan ciidamada Maraykanku ay shaaciyeen in halkaasi uu ka dhacay dagaal culus socday muddo saacado ah.
Warbixintan oo si gaar ah uu u diyaariyey John Vandiver oo ah wariye millateri oo ka ka tirsan wargeyskan hoos-taga Pantagon-ka, ayaa lagu sheegay in mujaahidiintii hawl-galkaasi fulisay ay gudaha saldhigga ku qarxiyeen gaari laga soo buuxiyey walxaha qarxa.
Inkastoo wargeysku aanu sheegin khasaaraha goobtaasi ka dhashay ayuu hadane tilmaan ka bixiyey baaxadda iyo awoodda uu lahaa qaraxaasi, waxaanu bidhaamiyay inuu ahaa mid aad u xooggan isla markaana goobtii uu qaraxu ka dhacay uu ka qodmay god aad u qoto dheer oo cabirkiisa uu ku sheegay 20 Mitir.
Weerarkii Ballidoogle oo wargeyskani kaga faallooday warbixin uu shalay daabacay ayaa ahaa hawl-gal barakaysan oo dhegta dhiigga loogu daray ugu yaraan 121 askar iyo saraakiil saliibiyiin American ah waxaana lagu burburiyey diyaarado iyo gaadiid dagaal iyo sidoo kale qalab millateri oo aad u fara badan.
Wargeyska Stars and Stripes ayaa walaac xooggan ka muujiyey sii socoshada hawl-galka ciidamada Maraykanka AFRICOM ee Soomaaliya, waxaanu carabaabay in aanay caddayn jihada mustaqbalka hawl-galka ciidamada Mareykanka ee Soomaaliya , maadaama ayuu yiri dhammaadka muddo-xileedkii hore ee Trump uu amray in dhammaan ciidamada Maraykanka laga saaro dalkan ay ka holcayaan dhimbilaha jihaadka.
About The Author
