Mas’uul sare oo katirsan dowladda Uganda ayaa si dirqi ah uga badabaday isku day dil oo ladoonayay in dunida lagu dhaafsiiyay.
Jeneraal Katumba Wamaala oo horay usoo noqday taliyaha ciidanka Uganda ayaa lagu toogtay bartamaha magaalada caasimadda ah ee Kampala.
Warbaahinta maxalliga Uganda ayaa sheegtay in weerarka uu ku dhaawacmay wasiirka gaadiidka waxaana ku dhintay nin darawal u ahaa iyo gabar uu dhalay Jeneraal Katumba Wamala.
Sawirro lagu baahiyay baraha bulshada ayaa muujinayay wasiirka Gaadiidka Uganda oo isagoo dhiig ka da’ayo lagasoo dajinayo gaarigii lagu dhax toogtay.
Goobta uu weerarku ka dhacay oo ah xaafadda Kiyasai waxaa ammaankeeda si aad ah u ilaaliya ciidamada sirdoonka iyo kuwa koofiya casta ee daacadda u ah Yuweri Musevani.
illaa iyo hadda lama og cidda mas’uulka ka ah weerarkan isku dayga dilka ah ee lagu qaaday taliyihii hore ciidamada lugta Uganda wuxuuna kusoo aadayaa xilli dhawaan Museveni loo caleema saaray madaxtinimada wadankaas sanadkii 35aad oo xiriir ah.
About The Author
