Ciidamada xarakada Shabaabul Mujaahidiin waxay maanta howlgal xooggan oo kammiin ah ka fuliyeen deegaan ka tirsan gobolka Laamu oo ka mid ah dhulalka muslimiina ee ay xoogga ku haystaan saliibiyiinta Kenya, howlgalkaas oo lagu gubay gaadiid fara badan oo ay lahaayeen ciidamada Kenya.
Weerarka kammiinka ah ayaa si gaar ah kaga dhacay inta u dhaxayso magaalooyinka Ijaara iyo Boday oo ka mid ah magaalooyinka gobolka Laamu, waxayna Mujaahidiintu ku beegsadeen kolonyo gaadiid ah oo ay la socdeen ciidamo ka tirsan millatariga saliibiyiinta Kenya, halkaas oo khasaare kala duwan oo isugu jira dhimasho iyo dhaawac uu ka soo gaaray saliibiyiinta, wallow aan tiro rasmi ah la helin.
Saraakiil ka tirsan ciidanka Shabaabul Mujaahidiin waxay xaqiijiyeen in howlgalkaasi jidgalka ah lagu gubay 9 gaari oo ka mid ahaa kolonyada ciidamada kuffaarta Kenya ee weerarka lala beegsaday, waxaana gaadiidkaas ka mid ahaa gaari BG-ah, 5 gaari oo nooca iska rogaha loo yaqaan, 2 gaari oo ah noocyada booyahada ximbaara iyo hal gaari oo nooca qooqanta loo yaqaan ah.
Howlgalkan jidgalka ah ee ka dhacay gobolka Laamu ayaa kusoo beegmaya xilli uu lixaadsaday halganka jihaadka ah ee ay Mujaahidiintu ka wadaan gudaha dalka Kenya, saacadihii lasoo dhaafay uun ayay ahayd markii Mujaahidiintu ay qarax la beegsadeen kolanyo saliibiyiin lug ah kaas oo ka dhacay inta u dhaxayso magaalada Weel-mareer iyo tuulada Ruqaa ee gobolka Gaarissa, halkaas oo khasaare dhimasho iyo mid dhaawacba lagu gaarsiiyay ciidamada kuffaarta Kenya wallow aan numberka saxda ah la helin.
About The Author
