Ciidamada Xarakada Shabaabul Mujaahidiin ayaa weerar qorshaysan ku qaaday deegaan katirsan gobolka Wajeer ee ku hoos jira gummeysiga dowladda Kenya.
War rasmi ah oo kasoo baxay taliska ciidamada Al Shabaab ayaa lagu sheegay in weerar ka dhacay Wajeer lagusoo qafaashay shaqaale ushaqeynayay dowladda Kenya “Mujaahidiinta ayaa howlgal barakaysan oo ay ka fuliyeen gobolka Wajeer ee dhulka NFD waxay kusoo qafaasheen shaqaale katirsan dowladda Saliibiyadda Kenya 2 gaarina waa soo qaniimeysteen” ayaa lagu yiri war kooban oo Al Shabaab kasoo baxay.
Ilo wareedyo ayaa sheegaya in xoogaga Al Shabaab ay xuduud beenaadka kalasoo tallaabeen 2 gaari oo kala ahaa Qooqan iyo cagaf cagaf ay laheyd dowladda Kenya, lama oga xaaladda ay ku suganyihiin dadka Kenyaanka ah ee lagusoo qafaashay weerarkan cusub ee ka dhacay gobolka Wajeer.
Saacadihii lasoo dhaafay ayay aheyd markii weerar ka dhacay duleedka magaalada Gaarisa lagu dilay ugu yaraan 9 oo katirsanaa shaqaalaha dowladda Kenya.
About The Author
