Warar dheeraad ah ayaa kasoo baxaya weeraro ciidamo huwan ah lagula beegsaday deegaan katirsan gobolka Bakool ee dhaca Koonfurta Soomaaliya.
Wararka ka imaanaya wadada xiriirisa degmooyinka Xudur iyo Ceelbarde ayaa sheegaya in halkaas dhowr qarax lagula beegsaday kolonyo katirsan ciidamada Xabashida iyo maleeshiyaad Soomaali ah oo la socday.
Qaraxa koowaad waxaa ku dhintay sedax sarkaal miina baarayaal Itoobiyaan ah iyo 2 askari Soomaali ah halka 5 kale ay dhaawacyo soo gaareen.
Wararka ayaa intaas ku daraya in qaraxyadu ay hakiyeen socodkii ciidamada Itoobiya oo ku wajahnaa dhanka degmada go’doonsan ee Xudur.
Ilo wareedyo lagu kalsoonyahay waxay sheegayaan in diyaarad melleteri ay meydad iyo dhaawacyo ka dajisay garoonka diyaaradaha magaalada Baydhabo halkaas oo ay saldhig ku leeyihiin ciidamada Itoobiya.
About The Author
