Wararka ka imaanaya dalka Afghanistan waxey xaqiijinayaan in saacadihii lasoo dhaafay weerar Naf hurnimo ah oo lagu dilay askar iyo saraakiil ka tirsan maamulka daba dhilifka Kaabul uu ka dhacay qeybo ka mid ah Konfurta dalkaasi.
Camaliyaddan Istish-haadiyada ah oo sigaar ah kaga dhacday magaalada Lashkar-jaah oo ah xarunta gobalka Helmand waxaa lala beegsaday kolanyo ciidan oo ah maleeshiyaatka maamulka Ashraf Gani kuwaasi oo xilliga weerarka Shidaal ka qaadanayay goob Kaalin shidaal ah oo ku taala magaaladaasi.
Afhayeenka Imaarada Islaamiga Afghanistan Sheekh Qaari Axmed Yuusuf oo qoraal soo saaray ayaa xusay in camaliyaddaasi uu fuliyay Mujaahid ka tirsan Katiibada Istish haadiyiinta Imaarada Islaamiga Afghanistan lagu dilay inka badan 36 isugu jirta saraakiil iyo maleeshiyaat ka tirsan maamulka daba dhilifka Kaabul.
Sidoo kale Camaliyaddan Istish-haadiyada ah waxaa lagu dhaawacayo tiro kale oo aad u badan oo isugu jirta saraakiil iyo askar,waxaa Weerarkan Naf hurnimada ah lagu gubay Lix gaari oo isugu jirta noocyada kala duwan ee gaadiidka dagaalka ah.
Kolanyadan lala beegsaday maleeshiyaatka maamulka daba dhilifka Kaabul ayaa xilligii la beegsanayay waxey duulaan ku ahaayeen deegaano dhaca duleedka magaalada oo ay maamulaan ciidamada Mujaahidiinta Imaarada Islaamiga Afghanistan.
Calamada.com
About The Author
