Dagaallo culus ayaa dib uga qarxay deegaan ka tirsan gobolka Mudug ee dhaca bartamaha dalka Soomaaliya.
Wararka ka imaanaya tuulada Shabeeloow ee duleedka deegaanka Bacaadweyn ayaa sheegaya in maanta halkaas ay dagaallo culus ku dhaxmareen ciidamo ka tirsan Mujaahidiinta Al Shabaab iyo maleeshiyaadka maamulka ‘Galmudug’.
Ilo wareedyo ayaa sheegaya in muddo sedax jeer ah ay iska hor’imaadyo aad u xooggan dhaxmareen labada dhinac, hugunka rasaasta iyo daryanka madaafiic aad u xooggan ayaa laga maqlayay deegaanka lagu dagaallamayo.
War rasmi ah oo kasoo baxay Mujaahidiinta Al Shabaab ayaa lagu sheegay in dagaalkii maanta lagu dilay ugu yaraan 15 askari oo meydadkooda lagu arkay deegaanka Shabeeloow.
8 askari ayaa sidoo kale lagu dhaawacay dagaalka, halka dagaalyahanada Al-Shabaab ay soo ganiimeysteen hub iyo saanado ciidan oo ay ka carareen ciidanka lagu jebiyey dagaalka.
12-kii bishii Agoosto ee lasoo dhaafay ayay aheyd markii dagaallo khasaara badan dhaliyay ay ka dhaceen deegaanka Shabeeloow ee gobolka Mudug.
Calamada.com
About The Author
