Faahfaahinno dheeraad ah ayaa laga helayaa weeraro saacadihii lasoo dhaafay siyaabo kala duwan uga dhacay deegaanno ka tirsan wilaayaadka Jubbooyinka, Sh/hoose iyo Banaadir.
Howlgal gaar ah oo saacadihii lasoo dhaafay ay Mujaahidiintu ka fuliyeen gudaha magaalada Muqdisho gaar ahaan degmada Hodan waxaa lagu khaarajiyay sarkaal ka tirsanaa saraakiisha dowladda Ridada Federaalka.
Sarkaalka la khaarajiyay waxaa uu ahaa taliyaha Booliska laanta Siigaale degmada Hodan ee magaalada Muqdisho waxana uu dhibaato xooggan ku hayn jiray shacabka ku dhaqan xaafadaha degmadaasi.
Dhanka Jubbooyinka warar dheeraad ah ayaa kasoo baxaya weerar saacadihii lasoo dhaafay ay Mujaahidiintu ka fuliyeen deegaanka Yaaqraar ee duleedka magaalada Kismaayo.
Weerarkaan waxay Mujaahidiintu ku beegsadeen maleeshiyaad ka tirsan maamulka isku magacaabay Jubbaland waxaana weerarkaasi lagu dilay 1 askari Qori iyo booshna waa laga soo Qaniimaystay.
Dhanka Shabeellaha hoose waxay Mujaahidiintu weeraro culus ku qaadeen saldhiga maleeshiyaadka dowladda Ridada ku leeyihiin deegaanka Bariire, waxaana weerarkaasi lagu dilay 1 askari halka mid kalena uu dhaawac daran soo gaaray.
Goobaha la weeraray waxaa sidoo kale ka mid ahaa saldhigyada maleeshiyaadka dowladda Ridada federaalka ay ka samaysteen degmooyinka Baraawe, Qoryooley iyo deegaamada Arbacow, Sabiid, iyo Buula-colow ee wilaayada Shabeellaha hoose.
Weeraradan khasaaraha badan dhaliyay waxay kusoo beegmayaan wakhti ay Mujaahidiintu sare u qaadeen howlgallada jihaadiga ah ee ka dhanka ah maleeshiyaadka Ridada iyo shisheeyaha duullaanka kusoo qaaday dalka.
Calamada.com
About The Author
