Ciidamada Shabaabul mujaahidiin ee ka howlgala wilaayada islaamiga Sh/hoose, waxay dagaal culus oo toos ah ku mireen saldhig ciidan oo maleeshiyaadka murtadiinta ay kaga suganyihiin buundada deegaanka Sabiid ee hoostaga deggmada Afgooye ee Sh/hoose.
Dhawaqa hubka noocyadiisa kala duwan ee la isku adeegsanayay dagaalkaasi ayaa laga maqlayay goobaha fog fog ee miyiga ah, waxaana dagaalkaasi inta la xaqiijiyay Allaah fadligiis ku dhaawacmay hal askari oo murtad ah, weerarka kaddib ciidamada mujaahidiinta ayaa markii ay hadafka duullaankooda gaareen dib ugu soo noqday goobihii ay ka duullaan tageen.
Dhanka Banaadir na, waxay ciidamada mujaahidiintu howlgal qarax ah ka fuliyeen deegaanka Weeydow ee duleedka magaalada Muqdisho, waxayna qaraxaasi lala eegteen maleeshiyo murtadiin ah, inta la hubiyay waxaa qaraxaasi ku dhaawacmay hal askari oo murtad ah.
Geesta kale, faahfaahinno laga helayo weerar madaafiic ah oo ciidamada mujaahidiintu saacadihii lasoo dhaafay ay ku garaaceen xerada maleeshiyaadka murtadiinta ee deegaanka Arbacow ee duleedka magaalada Muqdisho, waxay xaqiijinayaan in weerarkaasi lagu dilay hal askari oo murtad ah, halka saddex kalena ay ku dhaawacmeen, istoorkii xerada oo ay ku jireen hub, matooro iyo shidaal ayaa sidoo kale madaafiicda mujaahidiinta ku gubtay.
About The Author
