Ciidamada Xarakada Mujaahidiinta Al Shabaab aya weeraro saacado badan qaatay ku qaaday saldhig ay ciidamada AMISOM ka sameysteen deegaanka Mashallaay ee duleedka degmada Qoryooleey.
Ilo wareedyo ayaa sheegaya in xoogaga Al Shabaab ay laba jeer weerareen saldhigga Mashallaay, dadka deegaanka waxay sheegeen in ay maqlayeen hugunka rasaas iyo madaafiic ay labada dhinac is dhaafsanayeen.
Sidoo kale Al Shabaab ayaa ciidamada Uganda ku weeraray degmada Buulo Mareer balse illaa iyo hadda lama oga khasaaraha ka dhashay weerarada maanta ka dhacay Sh/hoose.
Dhinaca kale qarax khasaara dhaliyay ayaa ciidamo katirsan Booliska Kenya lagula beegsaday dhulka NFD ee gummeysiga kujira.
Ilo wareedyo ayaa sheegaya in gaari Kooyal ah lagu qarxiyay deegaanka Ceelwaaq Kenya ee dhulka NFD balse illaa iyo hadda wax war ah kamasoo bixin dowladda Kenya oo ku saabsan qaraxa ciidamadooda lala beegsaday.
About The Author
