Wafdi ka socda dowladda Riddada ah ayaa maanta u ambabaxay magaalada Nairobi ee caasimadda u ah dalka Kenya, halkaas oo ay kulamo kula soo qaadan doonaan madaxda dalkaasi, kalana hadli doonaan khilaafka xuduudaha goostay ee kala dhaxeeya Axmed Madoobe.
Wafdigan waxaa hoggaaminaya ra’iisul wasaaraha kooxda Riddada Somalia, murtad Xamze Cabdi Barre, waxaana lasoo wariyay inay Kenya ka codsan doonaan in ay dhankooda taageerto.
Dhanka kale Xiisado colaadeed ayaa maanta ka taagan Raaskaambooni oo ah magaalo dhacda gobolka Jubbada hoose ee cirifka fog ee koonfurta Soomaaliya.
Kooxda Riddadu waxay maanta magaaladaasi ka dejisay maleeshiyo fara badan oo hor leh, kuwaas oo ay diyaarad kaga qaaday dhanka magaalada caasimadda ah ee Muqdisho.
Maamulka Axmed Madoobe ayaa dhankiisa maleeshiyo badan ku daabulay aagga Raaskaambooni, isaga oo adeegsanaya doomaha badda, maleeshiyadaas ayaana la dajiyay duleedka magaalada.
Guddoomiyaha maamulka Riddada Jubbalan ugu magacaaban Kismaayo, Cumar Faraweyne ayaa maanta amar ku bixiyay in xafiisyada maamulkaasi iyo sidoo kale goob walba laga fujiyo sawirrada madaxa kooxda Riddada Somalia, Xassan Gurguurte.
Xiisadda labada dhinac ayaa marba marka ka dambeysa kasii daraysa, waxaana ay ku dhowdahay gacan ka hadal, maleeshiyada isku hor fadhiyo Raaskambooni iyo kuwa dheeraadka ah ee halkaas lagu daabulayo ayay suuragal tahay inay foodda is daraan markasta.
About The Author
