Labo wiil oo dhalinyaro ah ayaa lagu soo warramayaa inay liqday xeebta Muqdisho, gaar ahaan xeebta xigta dhinaca deggaanka Jaziira.
Wiilashan oo sida la sheegay isku qoys ah ayaa ka mid ahaa tiro dhalinyaro ah oo gelinkii dambe ee shalay u dabaal-tagay xeebta Jaziira.
Labada wiil ee hirarku Badde ay la tageen oo in muddo ah la baad-goobayay ayaa goor dambe lagu guulaystay in la helo iyadoo midkood uu dhintay midka kalena uu dhaawac yahay.
Mid ka mida ehellada wiilashaasi oo la hadlay warbaahintay ayaa sheegay in mid ka mida la helay isagoo mayd ah, halka wiilka kalena nolol lagu gaaray, balse xaaladdiisa oo aad u culus darteed loola cararay dhinaca cisbitaalka.
Muddooyinkan dambe waxaa aad usoo kordhaya shilalka Badda, maadaama lagu jiro xilliga Xagaaga oo dabayllo xooggani ay socdaan, moojadaha Badduna ay kacsan yihiin.
About The Author
