Waxaa cirka isku sii shareertay xiisadda u dhaxayso kooxda Riddada Somalia iyo dowladda saliibiyadda ee Itoobiya, taasi oo ka taagan gobolka Gedo, gaar ahaan degmada Beledxaawo.
Xiisadda ayaa sii xoogeysatay kadib markii ay soo baxeen warar sheegaya in kooxda Riddada ciidamo ka socda dowladda Riddada Masar ay dejin doonto qaybo ka mid ah gobolka Gedo.
Itoobiya ayaa gabi ahaanba diidan in ciidamo ka socda Masar la keeno meel u dhow xuduud beenaadka kala dhaxeeya Soomaaliya, maadaama uu labada dowladood ka dhex aloosan yahay khilaaf xooggan oo la xiriira biya xireenka Al-nahda.
Wararkii ugu dambeeyay xiisadda Beledxaawo ka taagan waxay sheegaysaa in diyaarado dagaal oo ay leedahay dowladda Itoobiya maanta lagu arkay iyaga oo dul heehaabaya hawada magaaladaasi.
Diyaaradahan oo ah nooca kuwa qumaatiga u kaca, ayaa si gaar ah loogu arkay iyaga oo dulmaraya xero Uk oo talis u ah taliyaha sirdoonka Riddada ee gobolka Gedo murtad Cabdirashiid Janan iyo maleeshiyadiisa.
Muuqaallo baraha bulshada lagu faafiyay ayaa muujinaya ciidamo ka tirsan kuwa kooxda Riddada oo rassaas ku ridaya diyaaradda Helicopter-ka ah ee ay leedahay dowladda xabashida Itoobiya, si rasmi ah looma shaacin ujeedka diyaaradda, wallow wararka qaar ay tilmaamayaan inay indha indheynaysay xerada iyo difaacyadeeda.
Waxay tani kusoo beegantay xilli saacadihii lasoo dhaafay la is dhexmarayay in saraakiisha Itoobiyaanka ah ay Cabdirashiid Janan iyo saraakiisha kale u qabteen in muddo saddex maalmood ah kaga baxaan xero Uk, taasi oo cirka sii gelisay khilaafka labada dhinac.
About The Author
