Xiisadaan ayaa ka dhalatay kadib markii xubno ka tirsan maamulka Riddada ee Jubaland iyo maleeshiyaat ka tirsan maamulkaasi ay dul dageen duleedka degmada Baladxaawo oo ay ku sugan yihiin maleeshiyaatka kooxda riadada Soomaaliya.
Arrintaasi ayaa dhalisay in laga dareemo magaalada xiisad dagaal taasoo keentay in labada dhinac ay sameeyaan hub uruursi, waxaana qalqal amni uu soo wajahay shacabka ku dhaqan magaalada Baladxaawo.
Xubnaha ka socda maamulka ridada ee Jubaland waxaa hoggaaminaya Maxamuud Sayid Aadan oo ah ku xigeenka madaxa maamulka ridada ee Jubalnad kaasoo maalmihii lasoo dhaafay kulamo ka waday duleedka magaalada Baladxaawo.
Xildhibaan Nuur Axmed Diiriye (Nuur Afeey) oo kamid ah Baarlamaanka ridada ayaa ku eedeeyey maamulka Axmed Madoobe inay dhibaatooyin kawadaan magaalada Baladxaawo oo ay kusoo duulleen.
Tan iyo markii uu bilowday khilaafka u dhaxeeya Xasan Gurguurte iyo Axmed Madoobe ayaa saameyn xooggan wuxuu ku yeeshay maamulada ridada ee ka dhisan degmooyinka uu cadowga ka joogo Gedo iyo maleeshiyaatka ridada ee halkaasi ku sugan kuwaasi oo la kala saftay labada dhinac.
Bilo ka hor ayey ahayd markii maleeshiyaat murtadiin ah ay ku dagaalameen degmooyinka Baardheere iyo Dowlow kuwaasi oo kala taageersan Xasan Gurguurte iyo Axmed Madoobe.
About The Author
