Xildhibaankan oo lagu magacaabi jiray Charles Ong’ondo Were ayaa abbaare 7:30 fiidnimo ee xalay lagu khaarajiyay gudaha magaalada Nairobi ee caasimadda u ah dalka Kenya.
Koox hubeysan oo aan haybtooda la aqoonsan kana kooban ilaa 2 xubnood, ayaa lasoo wariyay inay rassaas xoog leh huwiyeen xildhibaankan ka tirsan dowladda Kenya, lagana soo doorto deegaanka Kasipul ee dalka Kenya.
Kooxda weerarka ka dambeysay ayaa la wariyay inay ninkan ku beegsadeen waddada Ngong, waxaa markii hore soo gaaray dhaawac daran, waxaana la geeyay cisbitaal kuyaal magaalada caasimadda ah, halkaas oo ugu dambayn geeridiisa lagu xaqiijiyay.
Ninkan ayaa muddooyinkii dambe la noolaa xaalad cabsi iyo argagax leh, wuxuuna laba bilood ka hor shaaciyay in uu ku sugan yahay xaalad halis ah, isla markaana ay soo gaareen farriimo hanjabaad ah.
Wuxuu horay u sheegay in uu bartilmaameed u yahay weerarro siyaasadeed, waxaana ugu dambayn xalay laga war helay toogashada lagu beegsaday ee ka dhacday magaalada Nairobi ee caasimadda Kenya.
Ma jirto cid si rasmi ah sheegatay dilka xildhibaankan ka tirsan baarlamaanka daaquudka ah ee Kenya, waxaana dilkiisa uu kusoo beegmayaa xilli dalkaas ay ka taagan tahay xiisad siyaasadeed, dowladda Kenya ayaa badanaa lagu eedeeyaa dilalka iyo afduubka masuuliyiinta iyo siyaasiyiinta ka aragtida duwan.
About The Author
