Xildhibaan ka tirsan baarlamaanka dowladda saliibiyadda Kenya, magaciisana lagu sheegay George Koimburi ayaa saacadihii lasoo dhaafay laga helay beer kutaal ismaamulka Kiambu ee dalka Kenya, kaddib markii la afduubtay.
Xildhibaankan oo kasoo jeeda deegaanka Juja ayaa la wariyay in kooxo aan la garanayn ay maalin ka hor ka afduubteen afaafka hore ee kaniisad ku taal Mugutha oo ka tirsan ismaamulka Kiambu, George Koimburi ayaa ka mid ah xildhibaannada mucaaradka ah ee kasoo horjeeda xukuumadda William Ruto, waxaana falkan cambaareeyay siyaasiyiinta mucaaradka ah.
Qoyska xildhibaanka la helay ayaa xaqiijiyay in lagu daweynayo cisbitaal lagu magacaabo Karen, kaddib markii isaga oo uu jirdil ka muuqdo laga helay beer qaxwo oo kutaal Kiambu, sawirro lagu faafiyay baraha bulshada ayaa muujinayay George Koimburi oo dhulka yaal ayna ka ka muuqdeen jirdilka loo gaystay, halka laga soo helay ayaa goobta lagu afduubtay u jirta 10 Km sida ay sheegeen ilo wareedyo maxalli ah.
Ilo wareedyo kale ayaa sheegay in ninkan maalmihii lasoo dhaafay ay kusoo dhacayeen farriimo uga imaanayay dhanka ciidanka ammaanka ee waddanka Kenya, kuwaas oo u haystay eed la xiriirta boob dhuleed.
Inkastoo haya’adaha ammaanku iska fogeeyeen dhacdadan, haddana waxay tani kusoo beegmaysaa xilli xukuumadda Nairobi tan iyo bishii June sannadkii 2024-kii oo ay dhaceen rabshadihii gilgilay dalkaasi ee looga soo hor jeeday canshuur kordhinta lagu eedeeyay afduubka ku dhawaad 100 xubnood, sida uu sheegay waxay ugu yeeraan guddiga qaran ee xuquuqul insaanka Kenya.
Toddobaadyo ka hor ayay ahayd markii mid ka mid ah waddooyinka Nairobi lagu dilay xildhibaan ka tirsan baarlamaanka Kenya, waxaana dilkiisa sida la sheegay ka dambeeyay rag hubeysan oo mooto ku socday.
About The Author
