Xildhibaannada golaha dawaaqiidda kooxda Riddada soomaaliya ayaa magaalada Muqdisho ku yeeshay kulan kusoo idlaaday buuq iyo hadallo ay isku tuurtuurayeen dawaaqiiddan oo uqeybsamay mucaarad iyo muxaafad.
Daahir Amiin Jeesoow oo kamid ah xildhibaannada golaha dawaaqiidda ayaa ku eedeeyay wasiirka amniga kooxda Riddada in uu isku dayay yareynta khasaarihii xooganaa ee maleeshiyaadka murtadiinta kasoo gaaray camaliyaddii istish-haadiga aheyd ee isbuucii lasoo dhaafay ka dhacay saldhigga warshaddii Nacnaca ee magaalada muqdisho.
Wuxuu carrabaabay in ehellada tobaneeyo katirsan maleeshiyaadkii lagu dilay weerarkaas laga qariyay geerida wiilashooda.
Sidoo kale Daahir Amiin Jeesoow ayaa saraakiisha booliska gobolka Banaadir ee kooxda Riddada ku sifeeyay burcad dhibaato ku hayo shacabka Muqdisho islamarkaana ay isku darsadeen barakicinta shacabka iyo xataa in ay dhaxdooda takrifal isku sameeyaan.
Kooxda Riddada oo bilihii lasoo dhaafay sheeganaysay in ay sugtay ammaanka xarumaheeda magaalada Muqdisho ayaa la kulantay fashil kadib markii ay mujaahidiintu weeraro ku beegsadeen xarumo xasaasi ah sida xabsiga Godka Jilacoow iyo saldhigga warshadda Nac-Naca