Xildhibaanno ka tirsan baarlamaanka maamul goboleedka ashahaada la dirirka ah ee Soomaaliland, ayaa shir jaraa’id oo ay qabteen si adag ugu diiday heshiiskii waxba kama jiraanka ahaa ee ay kala saxiixdeen ra’iisul wasaaraha Itoobiya, Abiy Axmed iyo madaxa maamulkaas, Muuse Biixi Cabdi, 1-diii January.
Kooxdan xildhibaannada ah oo ka kala socda labada gole ee ay ugu kala yeeraan guurtida iyo Wakiilada dawaaqiidda maamulka (Somaliland), ayaa sheegay inay si wayn uga soo horjeedaan heshiiskii xaaraanta ahaa, waxayna sheegeen inaysan aqbali doonin in deegaanka ay kasoo jeedaan lagu wareejiyo xabashida.
Warsaxaafadeed ay isla soo saareen kooxda xildhibaannada ah oo uu warbaahinta u akhriyay Xildhibaan lagu magacaabo Nuur Cumar Riyaale oo si gaar ah uga tirsan waxay ugu yeeraan golaha daaquudka ah ee Guurtida, ayuu sheegay in kooxdiisa xildhibaannada ah ay maamulka Muuse Biixi ugu baaqayaan in uu ka laabto heshiiska uu la galay Abiy Axmed ee uu ku iibiyay dhul iyo bad Soomaaliyeed.
Tan iyo koowdii bishii ina dhaaftay ee January oo miisaska Addis-ababa lagu kala saxiixday heshiiskii xaaraanta iyo burcadnimda ahaa, waxay madaxda maamul goboleedkan la kulmayeen mucaaradad xooggan iyo diidmooyin kaga imaanayay umadda Soomaaliyeed ee ku kala nool daafaha dunida, balse maamulkan ayaa dhagaha ka fureystay baaqyada uga imaanayay bulshada, wuxuuna ku adkeystay in uu Itoobiya u dhaqan gelin doono rayadeeda ay boqollaalka sano ku taameysay oo ah inay hesho marin biyood caalami ah oo ay iyadu leedahay.
Halkan Ka Daawo Shirka Jaraa’id Ee Xildhibaannada.
About The Author
