Saaka waxaa degan xaalada degmada Towfiiq (Masaajid Cali Gaduud )ee wilaayada Islaamiga Shabeelada dhexe oo shalay dagaallo culus ay duleedkeeda ka dhaceen, Waxaa si wadajir ah deegaanka ugu sugan ciidamada Xarakada Mujaahidiinta Alshabaab iyo ciidanka deegaanka ee difaaca Shareecada Islaamka ee beesha Warsangeli Abgaal.
Dagaalkii shalay ka dhacay duleedka degmada waxaa khasaara culus lagu gaarsiiyay askarta federaalka oo taageera ka helayay diyaaradaha Saliibiyadda Mareykanka.
Ugu yaraan 20 isugu jirta saraakiil iyo askar ayaa maamulka Xasan Garguurte looga dilay dagaalkii shalay ka dhacay duleedka degmada Towfiiq, Iyadoo dhaawacyada ay kor u dhaafayaan 30 isugu jirta saraakiil iyo askar.
Isbitaalada magaalada Muqdisho waxaa la geeyay dhaawacyada saraakiisha iyo askarta federaalka ee shalay sida xun loogu jabiyay dagaalkii ka dhacay duleedka Masaajid Cali Gaduud.
Wariye Bishaar Cabdi Raxmaan oo ka mid ah wariyaasha Idaacada Islaamiga Al-andalus kuna sugan degmada Towfiiq ee Wilaayada Islaamiga Shabeelada Dhexe ayaa ka warbixiyay xaalada degmada iyo goobihii shalay lagu dagaalamay ee duleedka degmadaas.
Halkan Ka Dhageyso Wariye Bishaar Cabdi Raxmaan.
Halkan Hoose Ka Daawo Sawirrada Dhaawacyada Saraakiisha Iyo Askarta La Geeyay Muqdisho.
About The Author
