Ciidamada xarakada shabaabul Mujaahidiin gaar ahaan kuwooda ka howlgala magaalada Muqdisho waxay caawa howlgal gaar ah oo ay ka fuliyeen duleedka magaalada caasimadda ah ku dileen xubin sare oo ka tirsanaa maleeshiyaadka nabadsugidda dowladda Ridada federaalka.
Howlgalkan gaarka ah waxay ciidamada Katiibada Maxamed Ibnu Maslamah ka fuliyeen deegaanka Weydow ee dhaca duleedka magaalada Muqdisho waxayna ku dileen xubin ka tirsanaa jawaasiista dowladda oo lagu magacaabi jiray Cabdi llaahi Axmed Aadam Yariisow.
Ciidamada Mujaahidiinta oo si dhow isha ugu hayay dhaqdhaqaaqa askarigaas iyo dhibaatooyinkii uu kasoo gaystay magaalada Muqdisho waxay caawa ku khaarjiyeen deegaanka Weydow waxaana goor dambe goobta soo gaaray maleeshiyaad kale oo murtadiin ah kuwaas oo goobta ka qaaday maydka saaxiibkooda.
Ilo xog-ogaal ah waxay xaqiijiyeen in Yariisow uu ka mid ahaa xubnaha sirdoonka dowladda Riddada Farmaajo ee loo igmaday tacdiibinta dadka muslimiinta ee ku xiran xabsiga sumcad xumada ku caan baxay ee godka Jilicow, balse Mujaahidiinta oo hagardaamada murtadkaasi si dhow ula socday ayaa ugu dambayn nolashiisa kusoo afjaray deegaanka Weydow.
Dilka Yariisow waxa uu ku biirayaa silsilado howlgallo ah oo madaxyada looga guray xubno jawaasiis ah oo maalmihii lasoo dhaafay ka dhacay Muqdisho iyo duleedkeeda, kuwaas oo isugu jiray saraakiil iyo askar ka tisarana sirdoonka dowladda federaalka.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
