Waxaa baraha ay bulshadu ku wada xiriirto si wayn ugu dhex faafay sawirrada meherad ganacsi oo laga furay dalka Urdun ee dariska la ah dhulka Falastiin ee ku hoos jira gumeysiga maamulka gumeystaha Yahuudda, taas oo loogu magac daray taariikhda maalintii uu billowday howlgalka Duufaanta Al-aqsaa ee kooxaha wax iska caabinta ay ku qaadeen deegaannada Yahuudda xoogga lagu dajiyay.
Meheraddaan oo ah makhaayad nooca lagu iibiyo cuntooyinka fudud waxaa furtay shacabka reer Urdun, kuwaas oo Yahuudda ku cara galiyay maalintii uu billowday howlgalka Duufaanta Al-aqsaa ee ay Falastiniyiintu ku beegsadeen maamulka gumeystaha Yahuudda.
Dadka carbeed ee muslimiinta ah ayaa is dhaafsanayay sawirrada laga soo qaaday furitaanka meheraddan, waxayna sheegayeen in meheradda aysan ahayn wax sidaas u wayn balse taariikhda loogu magac daray uu yahay midka cara gelinaya Yahuudda.
Yaiir lapid oo horay usoo noqday ra’iisul wasaaraha maamulka Yahuudda sidoo kalena soo noqday wasiirka dagaalka ee sahyuuniyiinta ayaa si wayn kaga carooday meheraddan laga furay dalka Urdun oo saaxiib dhow la ah Yahuudda, isagoo xukuumadda Urdun usoo jeediyay inay tallaabo ka qaado dadka furtay meheraddaasi, warbaahinta Yahuudda ayaa sidoo kale aad u hadak haysay furitaanka meheraddan.
About The Author
