Ugu yaraan shan iyo toban askari oo ka tirsan ciidanka nuseyriyada Suuriya ayaa lagu dilay weerar dhanka cirka ah oo maleeshiyaadka maamulka Yahuudda ay ka gaysteen gudaha waddankaasi.
Warbaahinta rasmiga ah ee wadanka Suuriya ayaa ku dhawaaqday in 8 askari laga dilay 7 kalana lagu dhaawacay weerar dhanka cirka ah oo uu maamulka Yahuuddu dhowr jiho ka gaystay baadiyaha Daraca.
Ilo wareedyo militari ayaa wakaaladda wararka ee Sana, u sheegay in maamulka uu fadhigiisu yahay Tal’abiib weerar cirka oo uu kasoo qaaday dhanka Juulan ee Suuriya ay beegsadeen qaar ka mid ah fariisimaha ciidanka Suuriya ee kuyaal baadiyaha Daraca.
Maleeshiyaadka maamulka gumeystaha Yahuudda ayaa dhankooda ku dhawaaqay in subaxnimadii hore ee saaka ay ciidankooda weerar ku qaadeen Suuriya, halkaas oo ay ka gaysteen khasaare kala duwan oo isugu jira dhimasho iyo dhaawac.
Afhayeen u hadlay maleeshiyaadka isugu yeera Israa’iil ayaa wakaalada wararka ee Faransiiska u xaqiijiyay in weerarkan lala beegsaday goobo ku yaalla gudaha dalka Suuriya.
About The Author
