Madaxwaynaha dowladda Yugaandha ninka baadiriga ah ee lagu magacaabo Yoweri Musafeni oo ka hadlayay xaaladaha siyaasadeed ee bariga qaaradda Africa sida afgambigii millatari ee ka dhacay dalka Gini iyo xasaradaha iyo is mariwaaga madaxda Soomaalida ayuu sheegay in uu ciidamadiisa kala bixi doono dalka Soomaaliya.
Museveni oo waraysi gaar ah siinayay mid ka mid ah telefishannada reer galbeedka ayuu si qoto dheer kaga hadlay isqab qabsiga siyaasadeed ee hareeyay siyaasiyiinta Soomaalida gaar ahaan khilaafka ka dhex aloosan Farmaajo iyo Rooble isagoona arrintaasi ku tilmaamay “AIDS SIYAASADEED”.
Dhinaca kale baadarigan Yugandheyska ah ayaa sheegay in khilaafka madaxda dowladda federaalka ah uu sababi karo inay gaaraan go’aan ciidamada shisheeye looga saari doono Soomaaliya isagoo adkeeyay kuna goodiyay in uu ciidamadiisa kala bixi doono dalka haddii aysan wax iska badalin xisadaha ka aloosan Muqdisho.
Musfeni waxay dowladdiisu ahayd dowladdii ugu horreysay oo lagu soo tijaabiyay jaxiimada dagaalka ee Soomaaliya iyagoo huwan magaca Amisom waxayna tan iyo sannadii 2007-dii ciidamada Uganda furimaha dagaalka Soomaaliya kala kulmeen dhiig bax joogta ah oo uga imaanayay xarakada shabaabul Mujaahidiin iyadoo ay xusid mudan tahay in kumannaan askar Yugaandheys ah lagu laayay aagagga ay kaga jiraan Muqdisho iyo Sh/hoose.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
