Maktabka iclaamka Imaarada islaamiga ah waxa uu 20 sanno ka dib raadiyaha islaamiga ah ee Mujaahidiinta oo lagu magacaabo Sowtu Shareecah ka hirgaliyay caasimadda labaad ee ugu wayn dalka Afghanistaan.
Magaalada Qandahaar oo ah caasimadda labaad ee ugu wayn dalka Afghanistaan waxaa si rasmi ah looga hirgaliyay idaacad islaami ah oo ku hadasha afka imaarada islaamiga ah ka dib 20 sanno oo shacabka magaaladaas ay la noolaayeen daacaayaadka iyo fasaadka ay faafinayaan warbaahinnada cadowga.
Masuulka maktabka Iclaamka ee imaarada oo ku sugan xarunta Idaacadda ee magaalada Qandahaar ayaa sheegay in 20 sanno ka dib ay Allaah fadligii dhidibbada u taageen Idaacad islaami ah taas oo horraantii 2001-dii xarun u ahayd magaalada Qandahaar.
Masuulkan iclaamiga ah waxa uu intaa ku daray in idaacaddan ay dadka muslimiinta ka haqab tiri doonto baahiyaha warbaahineed ee bulshada iyadoo soo tabin doonta akhbaarta Mujaahidiinta iyo dacwadda jihaadka.
Idaacadda sowtu shareecah waa warbaahin islaami ah oo aad u ballaaran, intii uusan Maraykanku dumin maamulkii Imaarada ee ka jiray waddanka 2001-dii waxaa idaacada si wayn looga dhagaysan jiray magaalooyinka waawayn ee waddanka Afghanistaan.
Cadowga oo Raadiyaha Imaarada ee Sowtu shareecah u arkayay fallaar wadnaha kaga taagan isla markaana dhibsaday xaqiiqda wararka ay soo tabiso ayuu bartamaha bishii June sanadkii 2018-kii burburin u gaystay xarunta Idaacadda ay ku lahayd wilaayada Ghazni waxaana howlgalkaas ka qayb qaatay 5 diyaaradood oo Drones-ka Maraykanka ah.
Dhowaan maamulka Idaacadda islaamiga ah ee Sowtu shareecah waxaa uu xarun cusub ka hirgaliyay magaalada Laashkarjaah ee xarunta gobolka Helmand ka dib markii ay magaaladaas dagaal ka dib ka wareegeen ciidamada Imaarada islaamiga ah.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
