Inta la hubo ugu yaraan shan xubnood ayaa dhintay, halka mid kalena uu dhaawac soo gaaray, kaddib shil xooggan oo saacadihii lasoo dhaafay ka dhacay jidka dheer ee isku xita ismaamullada Nairobi iyo Nakuru ee dalka Kenya.
Sarkaal ka tirsan booliiska dowladda Kenya, ayaa warbaahinta gudaha u xaqiijiyay dhacdadan shilka ah, kaasi oo uu ku tilmaamay in uu ahaa mid xooggan kuna dhinteen shanta xubnood ee Kenyanka ah.
Dhacdadan ayaa timid, kaddib markii ay isku dhaceen baabuur xamuul iyo gaari lagu sheegay in uu yahay gaadidka yar, dadka dhintay ayaa ka koobnaa haweeney iyo 4 carruur ah oo ay dhashay, qof lixaad oo lasoo wariyay in uu dhaawac qabo, kaasi oo la geeyay xarun caafimaad.
Maydadka shanta xubnood ee caruurta u badan ayaa la dhigay goobta meydadka la dhigo ee cisbitaalka Naivasha, baabuurta isku dhacday oo howlgab noqday ayaana goobta laga jiiday.
About The Author
