Ciidamada guutada qaraxyada Shabaabul Mujaahidiin waxay howlgal qorsheysan oo qarax ah la beegsadeen kolonyo ciidamo ah oo ka tirsan saliibiyiinta Kenya, kuwaasi oo kasoo baxay xero ku taal duleedka deegaanka Kaambooni kuna sii jeeday dhanka magaalada Ishaakaani ee ka tirsan gobalka Laamu oo ah dhul muslimiintu leeyihiin.
Qaraxa ayaa si gaar ah u haleelay gaari nooca Kooyalka ah ee ay ciidamadu adeegsadaan, kaasi oo uu qori dhashiika ah saarnaa, askar saliibiyiin Kenyaan ah ay la socdeen, gaariga kooyalka ah iyo qorigii saarnaa ayaa gabi ahaan qaraxasi ku burburay, waxaana sidoo kale halaagsamay askartii la socotay gaarigaas.
Dhanka Hiiraan ee bartamaha Somalia, Saacadihii lasoo dhaafay waxay ciidamada mujaahidiintu weerar culus ku qaaday xerada ciidamada kuffaarta Itoobiya ay ku leeyihiin deegaanka Halgan ee dhaca bariga wilaayada Hiiraan, sidoo kale waxay mujaahidiintu weerar abaabulan oo dagaal toos ah ku qaadeen xerada maleeshiyaadka Riddada ay ku leeyihiin xaafadda Qansaxle ee degmada Buulaburte ee wilaayada Hiiraan.
About The Author
