Dowlada Kenya ayaa qiratay in qaar ka tirsan ciidankeeda lagu dilay qaar kalena lagu dhaawacay weerar qorsheysan oo shalay Mujaahidiintu ku beegsadeen kolonyo ka tirsan ciidankooda oo ku sugnaa deegaaka Dhamase oo hoostaga Gobolka Mandheera ee dhulka NDF ee ay Kenya xoogga ku haysato
Warbaahinta wadanka Kenya oo soo xiganaysa saraakiisha amaanka ayaa sheegya in labo kamid ah ciidamada militariga Kenya lagu dilay, saddex kalena lagu dhaawacay kadib markii Qarax xooggan lala beegsaday gaadiid ay la socdeen oo marayay deegaanka Dhamase ee Mandheera kadibna uu xigay weerar toos ah oo mujaahidiintu ay ku qaadeen ciidanka.
Sarkaal katirsan dowlada Nasaarada Kenya oo lagu magacaabo Maxamad Saalax, una qaabilsan gobolka waqooyi bari ayaa wargeyska Standard u sheegay in diyaarad helikobtar ah ay goobta ka soo qaaday askartii weerarka ku dhaawacmay, raggii weerarka fuliyayna ay goobta si nabadgelyo ah kaga tageen.
Shalay ayay ahayd markii Afhayeenka Ciidamada Mujaahidiinta Al Shabaab Sheekh Cabdi Caziiz Abu Muscab uu warbaahinta u sheegay inay qaar ka tirsan ciidamada Kenya ku dileen kamiin ka dhacay deegaan Dhamase ee NFD isla markaana ay gubeen 5 kamid ah gaadiidka Ciidamada Kenya, mid kalena ay soo qabsadeen iyo hub kale oo farabadan.
Falanqeeyeyaasha Kenyatiga ah ayaa todobaadyadii ugu dambeyeey ka doodayey waxtarka iyo tayada gaadiidka gaashaaman ee ay la siiyey ciidamada Military-ga Kenya kuwaas oo ay sheegeen in aysan bad-baadin Karin ciidamada marka lala eegto Qaraxyada.
Sidoo kale waxay sheegayeen in xarakada Mujaahidiinta Al-Shabaab ay kordhisay tayada iyo awoodda qaraxyada ay ku beegsaneyso ciidanka taas oo keentay in si deg deg ah u kordhaan qasaaraha ciidanka ka soo gaaraya qaraxyada lagula beegsanayo gobolada gumeysiga ku hoojsira
Warbaahinta Kenya waxay sheegaan in ku dhawaad 50 askari oo ka tirsan ciidamada dowlada saliibiyadda ah ee Kenya lagu dilay qaraxyada iyo weerarada dhowrkii bilood ee la soo dhaafay ay Mujaahidiintu ka fuliyeen gobolada xeebta iyo waqooyi bari ee ku hoosjira gumeysiga Nasaarada.
15-kii Augost, ugu yaraan 5 askari ayaa lagu dilay weerar kamiin ah oo mujaahidiintu ka fuliyeen wadada isku xirta Bodhaay iyo Ijara ee gobolka Garissa sida ay xaqiijiyeen Saraakiil ka tirsan Mujaahidiinta, iyo Police-ka Kenya.
Bishii May ee ka sii horeysay, ugu yaraan 7 askari ayaa lagu dilay qarax xoogan oo ka dhacay degaano ka tirsan Jaziiradda Lamu markii qarax xoogan lala eegtay gaari gaashaaman oo ay la socdeen ciidamo ka tirsan military-ga Kenya.
Ciidamadan ayaa saarnaa gaari gaashaaman oo loo yaqaano VN-4 oo ka mid ahaa gaadiid ay soo saartay Shirkad laga leeyahay shiinaha oo ka mid ahaa gaadiid dhawaan shiinuhu ugu deeqay dowlada saliibiyada ah ee Kenya.
Falanqeeyayaasha Kenyaatiga waxay kala garan la’yihiin Haddii gaadiidkan gaashaaman ay yihiin kuwa aanan tayyo lahayn oo waxtarkooda liito iyo haddii Xarakada Mujaahidiinta Al-Shabaab ay tayeysay qaraxyada ay ku beegsato gaadiidkooda.
Xuquuqda Warbixintan Waxaa Iska Leh Idaacada Andalus.
Calamada.com
About The Author
